Psa 110 | SwhKC | STEP | (Zaburi Ya Daudi) Bwana amwambia Bwana wangu: “Keti mkono wangu wa kuume, mpaka nitakapowafanya adui zako kuwa mahali pa kuweka miguu yako.”

Psalms 110

Bwana Na Mfalme Wake Mteule

(Zaburi Ya Daudi)

1 ^a Bwana amwambia Bwana wangu:
“Keti mkono wangu wa kuume,
mpaka nitakapowafanya adui zako
kuwa mahali pa kuweka miguu yako.”

2 ^b Bwana ataeneza fimbo yako ya utawala yenye nguvu kutoka Sayuni;
utatawala katikati ya adui zako.

3 ^cAskari wako watajitolea kwa hiari
katika siku yako ya vita.
Ukiwa umevikwa fahari takatifu,
kutoka tumbo la mapambazuko
utapokea umande wa ujana wako. ^{▼▼ Au: vijana wako watakujia kama umande.}

4 ^e Bwana ameapa,
naye hatabadilisha mawazo yake:
“Wewe ni kuhani milele,
kwa mfano wa Melkizedeki.”

5 ^fBwana yuko mkono wako wa kuume,
atawaponda wafalme siku ya ghadhabu yake.

6 ^gAtawahukumu mataifa, akilundika mizoga
na kuwaponda watawala wa dunia nzima.

7 ^hAtakunywa maji katika kijito kando ya njia, ^{▼▼ Au: Yeye atoaye mtu wa kurithi mwingine atamweka kwenye mamlaka.}
kwa hiyo atainua kichwa chake juu.